සේසතම නැති කරන සුරාව..

ලබාදී තිබුණේ විනෝද වීමට අවශ්‍ය නැටීම ගැයීම පිළිබඳව වූ සාමාන්‍ය පුහුණුවක් පමණයි දෙපක්ෂයේම මව් පියන්ගේ උවමනාව මත මේ තරුණ යුවළ ගේ සරණ බන්ධනයක් සිදුවුණා

ඔවුන් සතුටින් සාමයෙන් කාලය ගත කළා

මේ තරුණ කෝටිපතියා සේවය කළේය රජ ගෙදරක..දිනක් රාජ්‍ය සේවයට ගොස් තම අතවැසියාද සමග ආපසු එමින් සිටි මොහුට මහමග කමින් බොමින් විනෝද වෙමින් සිටි පිරිසකගෙන් මෙවැන්නක් අසන්නට ලැබුණා

ඔබතුමා නිසයි අපි මේ කාලා බීලා ඉන්නේ අනේ ඔබතුමා සියක් ආයු ජීවත් වේවා!!!

ඔවුන් එසේ ප්‍රකාශ කළේ එම තරුණයාගෙන් කිසිවක් ලැබුණු නිසා නොවෙයි ඔහු සතුටු කොට සුරාවට පොළඹවාගෙන තම වාසිය සලසා ගැනීමේ උපක්‍රමයක් ලෙසයි පිළිතුරු වශයෙන් තරුණයා කිසිවක් ප්‍රකාශ නොකළත් ඔවුන් පානය කරන්නේ මොනවාදැයි දැනගැනීමට ඔහුට අවශ්‍ය වෙලා තිබුණා

ප්‍රියමනාප බීම වර්ගයක් දැයි යළි විමසූ විට අතවැසියා කීවේ එබඳුයි මිහිරි පානයක් තවත් මිහිපිට නැති බවයි

එහි රසබැලීමේ ආශාව කෝටිපතියා තුළ ජනිත වුණා ඔහු ඒ බීම වර්ගය ටික ටික නිවසට ගෙන්වාගෙන පානය කර ක්‍රමයෙන් ඊට ගොදුරු වෙන්නට පටන් ගත්තා

ඔහු සුරාවට ගොදුරු කිරීමට උපක්‍රම යෙදූ වූ සුරා දූතයෝ ඔහුගේ පිරිවර බවට පත්වුණා සියලු දෙනා සුරා පානය කළේ එම කෝටිපතියාගේ මුදලින්

තමා සමග සිටින අයගේ වෙනත් විවිධ අවශ්‍යතා සඳහා ද වියදම් කළේ ඔහු

ඔහුගේ සුරාපානයෙහි සීමාවක් වුණේ නෑ මුදල් අවසන් වූ පසු බොහෝ උපකරණ ඉඩකඩම් ආදිය පමණක් නොවෙයි නිවසද විකුණූ හෙතෙම අන්තර් අන්ත අසරණ තත්ත්වයකට පත්වුණා ඔහු බිරිඳ සමග මහ මඟට බැස්සා…

සිටු මැදුරක වාසය කළ ඔවුන් දැන් නවාතැන් ගන්නේ අනුන්ගේ නිවෙස් වල අගුපිල්වල

රන්තලියක ආහාර ගත් ඔහුගේ අතේ දැන් තිබෙන්නේ කබලක්

ඉමිහිරි බොජුන් වෙනුවට අද ඔවුන් අනුභව කරන්නේ අනුන්ගෙන් සිඟා ගත් ආහාර

මුලින් ඔහු සමග විනෝද වූ කිසිවකු දැන් ඔහු සමඟ නැහැ ඔවුන් මොන තරම් අසරණ තත්වයකට පත් වූයේ ද යත් ඇතැම් දිනෙක ඔවුන් කුසගින්න නිවා ගත්තේ ස්වාමීන් වහන්සේලා වළඳා පාත්‍රයෙන් බැහැර කරන ආහාර ඉල්ලාගෙන කෑමෙන්

සුරාවෙහි රස බැලීමට ගොස් කෝටිපතියන්ට සිදු වූයේ මහ මඟ සිඟා කන්නටයි.

ඒ දිනවල බුදුරජාණන් වහන්සේ වැඩ වැඩසිටියේ ඉසිපතනාරාමයේ

සුපුරුදු පරිදි මේ සිගන යුවල කෑමට යමක් ඉල්ලා ගැනීමට ආරාමයට පැමිණියා ඉතිරිව තිබුණේ පාත්‍ර වලින් ඉවත් කළ ඉඳුල් බත් පමණයි එම ආහාර පොඩි හාමුදුරුවන්ගෙන් ලබාගෙන සිටි ඒ දෙදෙන දුටු බුදු රජාණන් වහන්සේ මුවගට අනුකම්පාසහගත මද සිනහවක් නැගුනා

එබඳු සිනහවක් නැගෙන්නේ හේතුවක් ඇතුව බව දත් ආනන්ද තෙරණුවෝ ඒ පිළිබඳව බුදුරජාණන් වහන්සේගෙන් විමසා සිටියා

බුදුරජාණන් වහන්සේ මෙන්න මේ ආකාරයෙන් වදාළා

ආනන්ද මේ සිඟමන යෙදී සිටින මහළු යුවළ කෝටි 160ක ධනයක් හිමි ව සිටි අයයි

ඔවුන් අද මේ තත්ත්වයට පත්ව සිටින්නේ මේ පුද්ගලයා බීමත්කමට ඇබ්බැහි වූ නිසයි මුලදීම දුසිරිතට නොවැටී ධනය විනාශ නොකර බුද්ධිමත්ව ක්‍රියා කළා නම් මොහුට මේ නගරයේම ප්‍රධාන සිටුවරයා වීමටත් ඉඩ තිබුණා

මුලදීම පැවිදි වුණා නම් රහත් වීමට තරම් භාග්‍යයක් තිබුණා ඔහුගේ බිරිඳත් අනාගාමී වීමට තරම් පෙර පින් තිබුණු තැනැත්තියක් මැදි වියේදී ධනය විනාශ නොකර කර්මාන්තයද වූවා නම් වූවා නම් නගරයේ දෙවන පෙළ සිටුවරයකු වීමට ඉඩ තිබුණු අතර පැවිදි වුණා නම් අනාගාමී වීමටත් ඉඩ තිබුණා ඔහුගේ බිරිඳ බිරිඳ ද සෝවාන් වනු ඇති ඒ සියල්ලෙන් ම පිරිහී වැරහැලි ඇඳගෙන සිඟා කන තත්ත්වයට පත් වුණේ මේ පුද්ගලයාගේ බේබදු කම නිසයි

මෙසේ වදාළ බුදුරජාණන් වහන්සේ තරුණ කාලයේ ධනය ඉපයීමක් නොකර දුසිරිතට යොමු වී ජීවත් වුවහොත් ජීවිතය අවසාන කාලය දිය සිඳුණු මසුන් ඇති මඩ කඩිති දැක බලාගත් අත බලාගෙන සිටින තටු හැලුණු මහලු කොස්වාලිහිණියා මෙන් ඉතා අසරණව ජීවත් වීමට සිදු වන බව ද වදාළ එම අවස්ථාවේ වදාළ ගාථා දෙකෙන් එකක මේ අදහස ගැබ් වෙලා තිබුණා

එම ගාථාවේ අරුත මෙසේ සටහන් කරමු.

උපමා උපමේය ගළපන විට ලිහිණියන් නම් මෙහි මහලු තැනැත්තන් ය

ඔවුන්ට වාසය කිරීමට තැනක් නැත එහි මසුන් නැත්තා මෙන් ඔවුන් සන්තකව කිසිදු වස්තුවක් ද නැත වෙනත් තැනකට යෑමේ ආශාව තිබුනත් ළිහිණියන්ගේ තටු හැලී ඇති නිසා එසේ කළ නොහැකිය එමෙන්ම තරුණ කාලයේ දුසිරිතෙහි යෙදී ධනය විනාශ කරගත් අයට තම බලාපොරොත්තු ඉටු කරගත නොහැකිය ඔවුන්ට සිදුවන්නේ ලිහිණියන් බලාගත් අත බලාගෙන සිටින්නාක් මෙන් ඉතා අසරණව සුසුම් ලමින් ඉවත බලා සිටීමය.

මත් වතුර මත් පෙති මත්කුඩු දුම්වැටි ආදිය රස බැලීම සඳහා වත් මුවට ළං නොකිරීමට දැඩි ලෙස අධිෂ්ඨානය කර ගන්නට අවශ්‍යයි

ඒවාට ගොදුරු නොවී තරුණ කල සිටම යමක් උපයා ගැනීමටත් මවු-පිය උරුමයෙන් ලැබෙන දෙය විනාශ නොකර ප්‍රයෝජනවත් ලෙස කාර්යයන්හි යෙදවීමටත් අපි අධිෂ්ඨාන කර ගැනීම කාලෝචිත ලෙස ද සලකමු.

සහෝදරත්වයෙන් එක්වෙමු!